Home Uncategorized Ferry cu mester a cuminsa nabega pa Aruba ta ancra pa mas...

Ferry cu mester a cuminsa nabega pa Aruba ta ancra pa mas cu un luna caba na Puerto La Cruz

SHARE

Falcon-Venezuela, E diputado di e Asamblea Nacional, Luis Stefanelli, a denuncia e hecho cu e Ferry Paraguana I, ta ancra pa mas cu un luna den e waf na Puerto La Cruz, na Estado Anzoátegui.

E diputado riba su Twitter account publicamente a exigi di e gobierno di Falcon un splicacion, pa e pueblo por haya sa kiko ta e motibo cu e Ferry ta ancra na e waf di Puerto La Cruz, pa mas cu un luna caba.

E Ferry a sali dia 7 di Januari den oranan di atardi for di Las Piedras y a yega e Estado Oriente su siguiente dia pa 5 or di atardi,
for di e dia ey, e ta keto bay ancra eynan.

E Parlamentario a sigi comenta, cu e Gobierno regional ta kere cu nan ta hende bobo, tambe segun e, cu nunca e gobernantenan a interesa den e bienestar di e Estado Falcon, pero solamente den nan negoshinan.

Na September aña 2016, e Ferry a yega na e peninsula y e gobierno regional Venezolano a anuncia, cu luna di November 2016 e lo mester a cuminsa nabega entre aruba y e peninsula di Venezuela.

E Ferry tin un balor di 10,5 miyon dollar, e tin e capacidad pa carga 600 pasahero, 120 auto, 6 containers di carga y tambe dos mil meter cubico pa carga extra.