Home Uncategorized Polis a kita 5 chauffeur burachi for di caminda

Polis a kita 5 chauffeur burachi for di caminda

SHARE

Control di Polisnan riba motorcycle ta mantene nos camindanan mas sigur
No ta tolera chauffeur burachi tras di stuur

ORANJESTAD, Aruba – 13 di februari 2017: Tanto prome, durante y specialmente despues di e parada di carnaval di mucha na Oranjestad, e ekipo di Polisnan riba motorcycle a tene control na diferente sitio strategico, pa sigura cu e chauffeurnan participando den trafico no ta bou influencia di alcohol y ta comporta nan mes di acuerdo cu nos leynan di trafico. Na final a conta 45 auto cu nan a para pa controla, di cual a detene 5 chauffeur pa stuur bou influencia di alcohol, di cual 2 di nan a kita nan rijbewijs for di nan. Polis ta corda tur hende cu e controlnan asina lo continua den e simannan cu ta keda di carnaval. Ta conseha tur hende pa si bo ta bay bebe alcohol, pa hiba un chauffeur cu no ta bebe cu Bo pa stuur despues di e evento. Uza bo #amigoDIDI.