Home Uncategorized Elton Lioe-A-Tjam (ABO): Pa por lo menos 20 aña caba. Y kico...

Elton Lioe-A-Tjam (ABO): Pa por lo menos 20 aña caba. Y kico a wordo haci?

SHARE

‘Criminalidad ta birando alarmante. Hopi hende no ta sinti nan mes sigur na cas mas (10 Januari 1996)’

‘Bullet-proof vest pa seguridad di polis ta refleha con leu Aruba ta cambiando (20 Juni 1996)’

‘Atracador a laga dos homber casi sin carson (1 October 1996)’

‘Asalto na cas den dia cla (11 October 1996)’

‘Otro asalto riba dama na parada di bus (1 November 1996)’

‘Segun ARMA: Criminalidad mester stop awor (21 december 1996)’

‘Hopi ladronicia den dianan cu a pasa (27 December 1996)’

‘Ta basta cu matamento na Aruba (27 December 1996)’

‘E preocupacion mas grandi di ATIA ta e aumento di criminalidad (30 December 1996)’

‘Ta Dios so sa cuanto asesino profesional mas lo drenta Aruba! (31 December 1996)’

‘Ladronnan cu arma di candela: Robo espectacular di prenda na Playa Linda Resort (22 Januari 1997)’

‘Segun Henny Eman: ‘Nos no ta bay perde nos balornan y acepta mas criminalidad’ (22 Januari 1997)’

‘Manifestacion contra criminalidad (22 Februari 1997)’

‘Tiramento dilanti aeropuerto (26 Februari 1997)’

‘Mester bin cu razzia y kita tur arma di hende cu no ta polis! (19 Maart 1997)’

‘Minister Presidente: Comunidad mester cuminsa tuma medidanan preventivo pa combati criminalidad (20 Maart 1997)’

Esaki ta solamente algun titular cu a sali publica den prensa. Tin hopi mas. Aki pueblo por mira cu e decadencia social, e aumento di criminalidad y insiguridad ta andando pa mas di 20 aña caba. Y pa 20 aña e mesun partidonan politico cu tabata responsabel pa proteha e ciudadano, ta ofrece pueblo e mesun cantaleta y show te ora un otro incidente haya atencion den prensa. Enbes di cumpli y proteha e pueblo, otro interes tabata wordo proteha y sirbi. Mientrastanto e cantidad di atraco no solamente a bira un asunto di tur dia, pero nan tambe a bira mas violento. Nos problemanan di criminalidad y insiguridad, tin un nomber y un fam. Pues haci bo mes e pregunta si bo merece wordo gaña pa un otro 20 aña cu e mesun ‘solucionnan’, mientras e criminalidad ta sigui crece, manera bo insiguridad.