Home Uncategorized Caso serio caminda cu los varios tiro ariba cas y auto

Caso serio caminda cu los varios tiro ariba cas y auto

SHARE

Madiki – Diamars marduga den careda di 2’or pasa 911 ta haya informacion di un auto y cas cu lo a haya varios impactonan di bala, di un of mas arma di candela.

Mes ora polisnan tambe a bay e direccion Anglo Kleuterschool y vecindario.
Na un adres nan ta topa cu un Kia Rio color cora, cu varios perforacion di bala y e cas tambe a haya. Pues esnan tras di e caso aki tawata tin intencionnan hopi serio, paso imagina si un di e balanan ey a dal un persona ?

Mientrastanto mas patruya tawata yegando.
Polis a cera e area y a pidi departamentonan concerni, manera recherche y departamento tecnico.

E auto aki algun siman atras lo tawata wordo menciona den un tipo di caso similar, caminda hopi tiro a cay y un Altezza si nos no ta hera tambe a haya varios perforacion di bala.

Manera nos a bisa anteriormente, si autoridad no resolve e caso aki na tempo e lo keda escala y te caminda cu morto lo por bay cay.