Home Uncategorized Autoridad ta detene tres persona den v-car na Wayaca

Autoridad ta detene tres persona den v-car na Wayaca

SHARE

Wayaca -Dialuna den oranan di merdia polis ta haya informacion di un v-car cu algun hende den dje y nan tawata actua hopi sospechoso.

Tawata trata di un Nissan Versa color cora, di e compania Speed Car rental.

Prome biaha cu polis a bay nan a move, pues nan no a localisa nan.

Di dos biaha polis ta bolbe wordo avisa cu nan tey bek, cerca di e post di ambulance.

Un agente cerca mes ora a bay y wardando ariba refuerso yega, pa nan a acerca nan. Despues di a haci nan algun pregunta y probablemente no a convince e agente a dicidi di detenenan.

Mientrastanto mas otro unidad a yega e sitio, manera K9 unit.

E personanan di nacionalidad Colombiano manera nos a wordo informa lo a huur e auto ayera na aeropuerto.

Pakiko nan tawata actua straño nan lo mester bay conta autoridad.
Autoridad no ta confia nada y a actua mes ora, vooral cu tin asina hopi atraco. Si nan ta ok, nan lo wordo laga liber.