Home Uncategorized Dama agredi y atraca den su cas pa dos atracador

Dama agredi y atraca den su cas pa dos atracador

SHARE

Sabana Basora – Diasabra den oranan laat di atardi un patruya di polis ta wordo manda cu urgencia na un cas, na Sabana Basora, pa un otro atraca cu a caba di tuma lugar.

Na yegada polisnan ta topa cu un señora herida, mesora ta pidi pa presencia di ambulance.
Na e sitio polis ta ricibi e informacion cu e señora lo a caba di yega un rato prome su cas y a wordo atraca pa dos persona den su cas.
E señora a bisa polis cu un di e atracadornan a dal e cu un obheto basta fuerte na su cabes, cu consecuencia cu ela perde conocimento pa casi un ora.
E señora a sigi splica polis cu na momento cu ela bin bij, ela ripara cu e atracadornan a reboltea den su cas y e placa cu ela cobra di onderstand, mas o menos un 800 florin, no tabata tey mas.Segun e señora e la logra wak cara di un di e atracadornan.

Personal di ambulance a trata e señora, mientras a pidi tambe pa presencia di atraco team pa haci mas investigacion.

Esaki ta e di dos atraco arma cometi na Sabana Basora, y tur dos ta riba un señora y ambos señora a wordo maltrata den nan cas. E otro señora a wordo choca y menasa cu cuchiuw.

Poco poco e atraconan ta birando mas violento y awendia e atracadornan ta keda satisfecho cu poco placa, nan no ta atracando negoshi so, pero ta concentrando mas pa atraca hendenan humilde.