Home Uncategorized KOMUNIKADO DI KUERPO POLISIAL KÒRSOU: DETENSHON RELASHONÁ KU MENASA I MALTRATO.

KOMUNIKADO DI KUERPO POLISIAL KÒRSOU: DETENSHON RELASHONÁ KU MENASA I MALTRATO.

SHARE

Korsou,-Djárason 8 di febrüari 2017, alrededor di 21.50 or, polis a detené un hòmber sospechoso relashoná ku menasa i maltrato ku a tuma lugá 6 di febrüari 2017 na Jumentoweg.

Djaluna 6 di febrüari 2017, alrededor di 16.40 or, dos hòmber a yega na un restorant den Jumentoweg i a maltratá un hòmber ku tabata sintá dilanti di e restorant.

Polis a kuminsá ku un investigashon i dia 8 di febrüari den oranan di anochi a señalá un di sospechoso nan den Haitiweg. Mesora nan a bai na e sitio i detené e hòmber G.J.N.C. nasé na Kòrsou di 23 aña di edat relashoná ku e maltrato ariba menshoná.

Kontinuando ku e investigashon djaweps 9 di febrüari 2017, alrededor di 10.30 or polis a detené e otro sospechoso e hòmber J.C. nasé na Kòrsou di 34 aña di edat. Detenshon a tuma lugá na warda di reshèrshi despues ku e sospechoso mes a presentá na warda. A presentá ámbos sospechoso dilanti un fiskal ouksiliar ku a ordená nan enkarselamentu pendiente di mas investigashon