Palm Beach – Diabierna mainta polisnan di Noord atento ta spot e homber Joshua Arends altura di ex Rat Land. Joshua a resisti fuertemente contra e dos agentenan cu a pidi refuerso mes ora.
E persona aki busca pa husticia tawata den un Mitsubishi Lancer, hunto cune dos dama un criatura y un otro cabayero.
Polis mes ora cu a spot a bay over pa detene, mirando cu ya ta basta tempo cu tin opsporing pa Arends.
Esaki ta relaciona cu varios caso. E ultimo tawata ladronicia ariba un turista Italiano na Arashi, caminda cu e y un otro persona mas den un Tercel a horta un cas.
E dia eynan di e sucedido, nan a core pa polis, momento cu polis a wak e auto Tercel cu nan a describi e dia eynan.
Na Seroe Janchi e persecucion ta caba, ora cu nan ta dal contra un pick up y un auto di Setar.
Ambos a baha core bay, pero polis ta logra gara un, esaki tawata ariba december 2 2016.
Di e tempo ey Joshua Arends tawata wordo busca.
Diabierna a logra detene y tambe e otro cabayero den e Lancer, cu no ta conoci kiko su rol ta cu e tambe a wordo deteni.
E dos damanan y e criatura a wordo atendi pa polis.
Ariba un video circulando por wak caminda e vehiculo di K9 yegando e sitio cu velocidad halto, den un descuido lo por a pasa ariba e criatura, caminda e dama a bira histerico.
