Bushiri – Diabierna mainta, despues cu un atraco a tuma lugar riba e parkinglot di RBC, polis ta encontra un auto bandona na un caminda di tera banda di Santa Helenastraat.
Posiblemente esaki ta e auto cu a wordo uza pa e atracadornan. Durante e buskeda pa e atracadornan, polis a bin haya e auto, un Hyundai Accent blanco.
E auto tawata tin glas kibra un banda y ta mustra manera e por tawata esun cu e atracadornan a uza pa huy for di e sitio.
Considerando cu e atracadornan tawata arma, polis a aserca e auto, cual ta getint, cu masha cautela pa asina yega serca y confirma cu no tin niun persona den e auto. Momento cu a confirma esaki polis a sigui busca den e area, pero no a logra haya nada.
Asistencia a wordo pidi di recherche y departamento tecnico pa haci nan investigacion.
