Home Uncategorized Cliente di RBC bank victima di atraco arma

Cliente di RBC bank victima di atraco arma

SHARE

Italiestraat – Diabierna den careda di 11or di mainta, polis ta wordo notifica cu un atraco arma a caba di tuma lugar riba e parkinglot di RBC Sasaki.

Aparentemente e persona, un cliente di e banco, tawata yegando e banco y a wordo atraca pa dos homber. E atracadornan aki ta dos persona color cla. Remarcabel ta cu nan no a ni tapa nan cara.

Tin informacion indicando cu e atracadornan aki ta papia Spaño y a huy for di e sitio den un auto color blanco. Polisnan a busca den  e area pa asina purba di haya e malechornan aki.

No ta conoci kico exacto e atracadornan a horta di e victima, pero atraco team di polis ta riba un alerta pa posibel atraconan cu lo por sosode.

Mester nota cu despues di e incidente aki e banco a tuma e decision pa lock su porta central, pues un tipo di protocal di seguridad.