Home Uncategorized Aruba Tourism Authority y Aruba Convention Bureau A Honra Grupo di...

Aruba Tourism Authority y Aruba Convention Bureau A Honra Grupo di incentivo Redner’s Market, Inc y White Star Group pa nan lealtad cu Aruba

SHARE

ORANJESTAD – Como muestra di aprecio pa e lealtad demostra cu Aruba como destino pa realisa nan encuentro corporativo, Aruba Tourism Authority y Aruba Convention Bureau a honra Redner’s Market Inc. y White Star Group durante nan di 5 bishita riba nos isla.

Redner’s Market Inc ta un cadena di supermercado na Merca, cu a scohe Aruba pa di 5 biaha como nan destinacion di escogencia pa nan viahe di incentivo bou guia di White Star Group. Chris Kraras, doño y presidente di White Star Group a indica di ta impresiona cu e bunitesa di nos isla, pero tambe di su hendenan amistoso. Despues di tin e oportunidad di bishita varios paisnan den region y rond di mundo, toch Aruba a sobresali como destinacion preferi. E grupo aki consecutivamente ta hospeda pa 7 anochi cada biaha durante nan estadia na Renaissance Aruba Resort & Casino, cual ta surpasa e anochinan di estadia di e bishitante general.

Durante un ceremonia ofreci hunto cu gerencia di Renaissance Aruba Resort & Casino, y representantenan di A.T.A., a haci entrega di dos cuadra cu ta ilustra nos bunita paisahenan na Sr. Richard Redner , presidente pa Redner’s Market Inc. y tambe Chris Kraras cu ta e doño di White Star Group. Di parti Renaissance Aruba Resort & Casino tabata presente e Director of Sales & Marketing, Janien Huistra, Sales Manager, Ariana Santiago y tambe e Event Manager, Sue Ann Fortin. Di parti di A.T.A tabata presente Jerusha Rasmijn, ACB Conference & Events Manager y Diantha Boekhouwer, ACB Conferences & Events Liaison. E honramento y otorgamento a tuma luga den presencia di e miembronan di e grupo cu a keda hopi conmove cu e bunita gesto.

Redner’s Markets, Inc. ta opera 44 Warehouse Markets y 20 Redner’s Quick Shoppes na diferente ciudad Mericano. Nan cede ta ubica na Reading, Pennsylvania. Tur aña nan ta realisa biahenan pa diferente parti di mundo, pero semper Aruba a resalta entre tur y ta pa e motibo aki nan ta keda bin bek y a expresa cu nan tin planes pa regresa den futuro.

Aruba Tourism Authority y Aruba Convention Bureau ta gradici Redner’s Group y White Star Group pa na confiansa y escogencia den Aruba como destinacion turistico. Ademas, mester elogia e trabow incansabel di e ekipo di Rennaissance Aruba Resort & Casino, cu ta encarga cu e hospeda di e grupo. Resultadonan remarcabel manera esaki ta posibel danki na e esfuerso di parti A.T.A. y socionan manera Renaissance Aruba Resort & Casino, cu ta enfoca ariba mercadeo pa Aruba su producto turístico. Tambe mester elogia tur nos socionan cu ta forma parti di e industria turistico y cu ta duna e miho di nan mes. Asina aki nan ta haci di Aruba uno mas Dushi pa Biba y como tal uno Mas Dushi pa Bishita!