Home Uncategorized 500 caha di vodka horta for di Pepia Est

500 caha di vodka horta for di Pepia Est

SHARE

Schotlandstraat – Dialuna polis a wordo pidi pa bay e compania ‘Pepia Est’, cual ta situa den Schotlandstraat. E compania aki ta importa bebidanan alcoholico, manera biña, liquer, vodka y mucho mas.

No conoci e ora exacto, pero antisocialnan lo a kibra un container y a horta 500 caha di diferente tipo di Vodka, di marca Absolut. Nos no ta compronde si e ladronnan a kibra of habri e heki grandi y bay na e container.

Esaki ta un caso increibel mirando e cantidad di caha cu a wordo horta. Cinco shen caha di vodka horta y transporta pa un of mas lugar, y sin ningun testigo pa raporta esaki?

Autoridad tin debido atencion pa e robo aki, cu ta basta miles di florin.

Si un persona cumpra e mercancia horta aki, e lo por haye den problema cu husticia paso esaki ta ‘heling’. Esaki ta encera ora un persona cumpra un producto cu e sa bon cu esey no ta su prijs, esta un prijs super abou y tambe di un persona of grupo cu nunca a importa e marca di vodka aki.