Home Uncategorized Machine den parke di atraccion ta saca hobencita di 13 aña y...

Machine den parke di atraccion ta saca hobencita di 13 aña y ta fayece na e golpinan ricibi

SHARE

BEIJING – Un hobencita di apenas 13 aña ta fayece den e parke de atraccion di Chaohua, cu ta ubica serca di e ciudad Chongqing, den centro di China. Esaki a sosode despues cu e machine Travel Through Space a saca e hobencita afo durante cu e machine tabata den action.

E hobencita a wordo benta riba un cura di hero, doblando e cura, despues cu a trat’e na e sitio, cu urgencia ela wordo hiba hospitaal, unda e ta fayece un rato despues.

Investigacionnan ta mustra cu e seatbelt lo a kibra y e safety bar pa pasahero no tabata suficiente preta pa wanta e hobencita aki.

E famia di e victima a yega na un acuerdo cu e parke pa un compensacion di 870,000 yuan ($127,000;£100,000) cu pa e perdida di nan unico yiu.

Safety Inspector na China a pidi autoridad pa pone stop na e parke su machinenan mas grandi, te ora cu tur e machinenan wordo bon inspeciona, tambe a pidi pa tur otro compania of parke di atraccion cu ta usando e mesun machinenan aki, pa stop di usanan y tuma contacto cu e fabricanan di e machinenan aki den ciudad di Chengdu, pa controla e machinenan aki bon, prome cu e wordo poni bek den uso.