Home Uncategorized Homber ta bira victima di actraco arma despues di a lanta placa...

Homber ta bira victima di actraco arma despues di a lanta placa na bancomatico

SHARE

Wayaca – Dialuna anochi un poco prome cu 12:30AM un homber ta wordo atraca despues cu e a lanta placa na e bancomatico di Aruba Bank situa na Wayaca Service Station.

Despues cu esaki a sosode e cabayero a core bay airport pa asina bati alarma. E cabayero a conta polis cu despues di a lanta placa y cu e a sali bin pafo dos homber cu arma den man a cana bin serca dje.

E atracadornan aki a bay cu e victima su celular y tambe cu tur su placa. Como cu nan a horta su celular, e no por a yama polis pa ayudo y e mester a core bay airport pa asina haya un hende pa yude.

E victima a splica tambe cu e a mira e dos atracadornan aki pasa den un auto Nissan color scur momento cu e tawata na e bancomatico. Atraco team mester a presenta na airport, caminda e victima tawata ta pa asina tuma tur datos.