Home Uncategorized Chines maltrata y posiblemente atraca of asalta na altura di Cinema

Chines maltrata y posiblemente atraca of asalta na altura di Cinema

SHARE

L. G. Smith Boulevard – Diadomingo algo pasa di mey anochi polis ta wordo pidi cu urgencia na altura di Seaport Cinema, pa bay altura di Cinema, pa caso serio di maltrato, caminda un cabayero chines a wordo maltrata pa algun persona.

Na yegada e patruya di polis ta topa cu un cabayero Chines, kende tabata herida y a ricibi basta sla na su cara, mesora polis ta pidi pa presencia di un ambulance.

Na momento cu polis kier a tuma su declaracion tabata casi impossibel pa comunica cu ne, paso e cabayero aki no ta papia niun otro idioma cu ta chines.

Via seña, polis a trata di comunica cu e cabayero aki y a bin resulta cu aparentemente e cabayero aki lo a wordo atraca of asalta y e malechornan a bay cu su cellular y su cartera.

Personal di Ambulance a haci un control medico na e sitio. Despues di un rato e cabayero aki no kier a tende nada mas cu ta su cas e kier bay.

Mirando cu e Cabayero aki ta biba na San Nicolas, e patruya di playa a hib’e direccion di San Nicolas y na altura di Ram’s Muffler, e patruya di San Nicolas a tume over y a hibe su cas na San Nicolas.