Home Uncategorized Auto ta cay riba un homber lagando e herida

Auto ta cay riba un homber lagando e herida

SHARE

Seroe Blanco- Diadomingo anochi, ambulance, polis y unidad di rescate a wordo manda urgentemente pa un cas na Seroe Blanco pa yuda un persona cu auto lo a cay riba dje.

Momento cu polis a yega na e adres e cabayero a sali for di abou di e auto caba.

Polis a reacciona liher y a pidi asistencia di ambulance pa motibo cu e cabayero despues di e accidente aki no tawata sinti su schoudernan.

E incidente aki a tuma lugar momento cu e cabayero a bay jack un auto y no a pone algo extra pa asina reinforsa esaki, e jack ‘laga bay’ y a baha e auto riba dje.

Brandweer su unidad di rescate tambe a bin na e sitio, pero no tawata tin mucho trabou mas pa haci, mirando cu e cabayero no tawata pega abou di e auto mas.

Ambulance a transporta e cabayero pa hospital pa haya e asistencia medico necesario. Segun informacion ricibi, e cabayero a keda okay.