Home Uncategorized Ladronan a comete vandalismo y a horta den varios auto dilanti lugar...

Ladronan a comete vandalismo y a horta den varios auto dilanti lugar pa practica Tai Chi

SHARE

Stadionweg – Diabierna anochi polis ta wordo alerta di destruccion y robo den varios auto na un lugar di Tai Chi situa dilanti ‘Camacuri Residence and Apartments’. Mientras cu personanan ta practicando Tai Chi, ladronan tawata bezig ta kibra bentana y horta den nan auto.

Varios auto a sufri di daño momento cu e tiponan aki a kibra bentananan di auto pa asina busca cosnan pa horta paden. Mester nota cu e practicantenan di Tai Chi ta mayoria parti personanan di edad halto caba y pensionado, ta lamentabel cu nan mester a pasa den un experiencia asina aki.

Polis y tambe Forensys a presenta na e sitio pa asina tuma datos di e victimanan di ladronicia y vandalismo.