Home Uncategorized Un mama cu su dos yiunan chikito ta wordo atraca pa tres...

Un mama cu su dos yiunan chikito ta wordo atraca pa tres homber na Montaña

SHARE

Montaña, Noord – Awe mainta, den careda di 9or, un señora a wordo atraca na su apartamento pa 3 hende homber. E señora, cual ta un Colombiana, tawata hinkando su 2 yiunan chikito den auto momento cu e 3 atracadornan a bin.

E dama splica cu un di nan ta papia Spaño cu acento Venezolano y tambe cu tawata tin uno cu arma di candela den su posesion. Dos di e atracadornan a drenta cu e dama den su apartamento pa asina cuminsa horta su cosnan di balor.

Nan a pidi e señora pa placa y tambe tawata busca mas articulonan den a apartamento. E atracadornan a logra bay cu joyas, placa y tambe algun otro articulonan di balor.

E atracadornan a huy den un auto blanco di cual un homber cu cabey dreadlocks tawata chauffeur. Despues cu nan a bay e dama a core bay warda di polis Shaba pa bati alarma di e incidente horibel cu e a caba di experiencia.

Autoridadnan a pidi asistencia di atraco team y slachtoffer hulp. Polis tecnico tambe a bin na e sitio pa asina cuminsa cu nan investigacion.

Cuerpo Policial Aruba ta pidi pa esnan cu por a mira algo pa yama e tiplijn: 11141.