Home Uncategorized Justin “King Nutz” Valdez a bay cas cu premio di “Rookie of...

Justin “King Nutz” Valdez a bay cas cu premio di “Rookie of the Year”

SHARE

ORANJESTAD, Aruba –  “Pa tur esunnan cu no tin Facebook, esaki ta un gradicimento cu ami como un mama hopi orguyoso a manda awe, di curason, hopi danki na un y tur”, asina Haydy Valdez-Boekhoudt a comenta. “Mi kier a manda hopi pabien pa mi yiu homber grandi Justin pa su tremendo presentacion diadomingo ultimo den Children and Youth Roadmarch & Calypso Contest Aruba na Carnival Village San Nicolas. Na e momento cu el a bisa mi cu e kier bay canta roadmarch el a sorprende mi, diadomingo el a sorprende hopi mas hende, el a yega subi, presenta, canta, balia sin miedo”.

Mientras como mayornan nan ta super orguyoso di nan yiu homber, mescos por bisa di henter famia, amigonan y tur esunnan cu a bay mir’e y apoy’e. “Mami tin cu cuminsa na gradici papa Dios pa e talento cu bo tin y cu e guia Bo pa bo sigui haci loke bo ta gusta y corda cu mami semper lo t’ey pa yuda Bo, tambe ta gradici TUR e sponsornan y TUR esunnan cu di un manera of otro a haci esaki posibel”, asina Haydy Valdez a conta.

Un danki special ta bay na su omo Nutzbeatz, HotShotz, Elite Productions, Dropzone Aruba, U-Rent Trailers Aruba, Aruba Bank N.V., Elthon Lampe, Rubiela Lampe-Chiquito, Pepe Esline Boekhoudt, Oma Livia Boekhoudt-Croes y Opa Dolf Boekhoudt, Tanta Rita Quandus, Omo Lucas Croes, su amigo Remy Jacobs, Tanta Mary Feliciana, Rowald Werleman (design zuiver pa e t-shirt), danki na famia completo cu semper t’ey. Danki na K2K Dancers bou guia di Sigmara Kock, na Setar NV pa e luznan, na Colegio Pastoor Kranwinkel pa sosten y apoyo, na Edselyn Figaroa pa e super nice composicion “Soca Trance” dedica na omo Eldrick Boekhoudt “Nutzbeatz”, na Dimitry Frans pa e tremendo areglo innovativo, na Juff. Veloushka Krozendijk pa a yuda cu su cantamento, articulacion y mas, na Ronchi De Cuba pa e design di Justin su outfit, na Teresita costurera pa su outfit den un tempo record, na cada un cu a cumpra ticket y a aporta na un actividad di mucha y specialmente bay apoya Justin.

Justin Valdez a sali “Rookie of the Year 2017” y su famia ta super orguyoso y contento cune.