Home Uncategorized Team di BBC a descubri red envolvi den traficacion di chimpanse

Team di BBC a descubri red envolvi den traficacion di chimpanse

SHARE

Abidjan, Costa de Marfil – Un red di traficacion di animalnan exotico a wordo treci na cla despues di un aña cu e team di BBC news a haci nan investigacion. E baby chimpansenan ta wordo horta for di den selva y bendi como animal domestico.

E team di BBC a descurbi un ‘network’ hopi conoci pa trafica bestia exotico. E red aki ta wordo yama “The Blue Room”. Varios persona di e red aki a wordo deteni. Anto autoridadnan a logra salba un chimpanse baby di 1 aña cu tabata eynan e momento ey.

Pa motibo cu tin un demanda halto pa e animalnan aki, nan tawata wordo bendi pa $12,500 (o mas). Famianan rico y tambe zoológiconan comercial a forma parti di e ‘clientela’.

Cada momento cu un di e baby chimpansenan wordo captura e ta afecta e populacion di chimpansenan drasticamente. E motibo pa esaki ta cu e tiponan aki mester mata e chimpansenan adulto pa asina yega na nan baby.

Na cierto momento e por pasa cu 10 chimpanse adulto ta wordo mata pa nan por bay cu e baby. Esaki ta resulta den menos resistencia di e adultonan pa asina haci e captura di e baby mas facil. E chimpansenan adulto cu ta wordo mata den e proceso aki ta wordo bendi como carni, pues ‘bushmeat’.

Na e momento cu e baby chimpanze wordo captura nan ta cuminsa prepara pa transporte pa otro pais. Cu permiso y documentonan falso e red ta logra pasa e animal. Tin un demanda halto pa e animalnan aki na estadonan Arabe, partinan zuidoost di paisnan Asiatico y tambe China.

E peliger pa esnan cu ta tene un animal mane e chimpanse como un animal domestico ta cu ta yega un momento cu e ta crece y haya hopi forsa y tambe ta bira violento. E tristo ta cu e animal salvahe aki hopi biaha ta wordo sera di un haula pa mayoria parti di nan bida. Hasta cu tin biaha nan ta wordo mata pa motibo cu e persona no kier nan mas como un ‘pet’, pues animal domestico.