Home Uncategorized NOS HUBENTUD TIN UN ALTERNATIVA NOBO: PARTIDO MEP

NOS HUBENTUD TIN UN ALTERNATIVA NOBO: PARTIDO MEP

SHARE

SAVANETA — Siman pasa e hobennan di Aruba a cambia e panorama politico un biaha mas, na momento cu nan a duna sosten masal na partido MEP.
Siman pasa partido MEP a lansa su hala hubenil HOT, bou di dirigencia di Lyonell Dirks. E evento cu a tuma lugar na Savaneta a kibra tur tur expectativa.
Oponentenan di partido MEP tabata sigur cu MEP tabata na soño, y cu MEP lo no por atrae hubentud. Sinembargo den tur silencio, y bou di radar lider di MEP Evelyn Wever-Croes tabata traha na forma incansable pa re activa e hala hubenil y den forma grandi. Aki mester para keto y aprecia e gran esfuerso cu Lider di MEP ta hasiendo pa engrandese partido MEP, especialmente mirando cu oponentenan politico constantemente ta desacredita su persona. Cu e paso aki, Evelyn Wever-Croes a demostra cu e tin un vision pa cu partido MEP y e determinacion pa logr’e tambe!
Evelyn Wever-Croes ad emostra tambe cu e por inpira hobennan pa hasi cosnan grandi.

Lyonell Dirks hunto cu directiva di HOT a causa un furor enorme cu e lansamento aki. A pone mas di 300 hoben riba pia pa e lansamento so! A causa un interes enorme bou di hobennan, cu claramente tin necesidad y interes den politica.
Ta nos hobennan ta esnan cu mester bai atende cu e debe gigantesco di nos pais, cu a wordo redobla den apenas 4 anja di gobernacion di AVP, pues ta hopi importante pa nos hobennan ta bon informa y pa nan participa den e proceso politico.
HOT sigientemente lo bai pone atencion na formacion politico di nos hobennan, pa prepara nan pa asumi responsabilidadnan, y pa nan cada un por hiba debatenan al caso y riba nivel pa hiba e mensahe di CAMBIO den henter nos pais. Pasobra ta solamente asina nos ta logra un concientisacion completo den nos pais.

Cu e hala hubenil HOT re-activa, nos hobennan a cambia e panorama politico. Antes cu tabata wordo asumi cu hobennan automaticamente ta scohe pa fiestamento cu partido AVP, aowr por nota un tendencia contrario: hobennan ta scohe pa na un forma responsabel ta parti activo di e proceso electoral. Pabien partido MEP cu e logro sumamente importante aki.