Home Uncategorized Containerscan di Departamento di Aduana lo ta operacional desde 1 februari 2017

Containerscan di Departamento di Aduana lo ta operacional desde 1 februari 2017

SHARE

Departamento di Aduana ta continuamento inovando pa asina mehora servicionan na su clientenan. Pa es motibo entrante 1 di februari benidero Departamento di Aduana lo bai scan un parti di e containernan na e waf di Barcadera.

E containernan cu lo pasa e control via di e containerscan lo wordo selecta door di Departamento di Aduana. Den caso cu e containerscanner encontra niun irregularidad, e cliente lo por bai cu su container na e destino pa e wordo descarga sin tin necesidad di un control fysico. Esaki ta nifica cu e proceso pa saca container lo cana hopi mas liher pa e clientenan y comercio. Demas actividadnan riba waf lo no wordo stroba door di e proceso di scan containers. Clientenan lo wordo notifica na tempo na momento cu Aduana selecta nan container pa pasa door di e containerscan.

Departamento di Aduana ta pidi tur cliente y en especial truckdrivers/haulers pa coopera cu e proceso di containerscan cu lo inicia dia 1 di februari benidero.