Home Uncategorized Problema entre dos menor di edad ta caba na hinkamento

Problema entre dos menor di edad ta caba na hinkamento

SHARE

San Nicolas – Diadomingo den careda di 9or di anochi ta sosode un caso di hinkamento. E victima, un hoben di mas o menos 15 aña, a wordo hinca bou di su brasa robes.

Informacionnan ricibi ta indica cu esaki ta un ‘reglamento di cuenta’, pues esaki ta un problema ja andando cu a yega asina leu di a resulta den un hinkamento.
Esun cu a comete a acto violento aki tambe ta un hoben di entre 16 pa 17 aña.

Aki por conclui cu e problema aki lo continua y tambe escala awor. E situacion aki tin chens di bay completamente for di man, mirando cu e menor di edadnan aki ta cana arma y ta den posesion di arma di candela.

Señora Rasmijn di Cuerpo Policial tin e siguiente relato :

“Pa mas o menos 9:03 di diadomingo anochi central di polis ta haya un jamada cu lo tin un hoben cu a wordo hinca na altura di Dr Schaepmamstraat na San Nicolaas.

Patruya cu ta jega di biaha na e sitio ta bin topa enberdad cu un hoben cu un hinca. Informashon te awo ta cu nan lo mester a bringa cune caminda e lo a wordo hinca, esaki a pasa na altura di Pacifico Restaurant. E la core y jega na un cas na Dr Schaepmanstraat y na unda polis a wordo jama.

Ambulance a jega na e sitio di e susedido y na unda a bai cu e hoben IMSAN. E lo tin un hinca na su zij banda robez. E caso ta den man di Recherche di districto di San Nicolaas. Slachtoffer hulp tambe a ser poni na altura. E hoben su situashon ta stabiel. Ken cu por a wak algo jama tiplijn di polis cu ta 11141”.