Home Uncategorized Homber deteni dilanti cas caminda e atraco a tuma luga

Homber deteni dilanti cas caminda e atraco a tuma luga

SHARE

Washington – Dialuna mainta durante e atraco ariba e cas di famia, polis controlando ta para e cabayero aki, cu tawata den un Hyundai Getz cu placi number V, pero esaki no tawata cuadra cu e auto.

Mirando cu un atraco a caba di tuma luga e cabayero aki tawata mustra sospechoso, caminda patras ariba e sienta ta haya tambe un jacket color preto.

Segun ela bisa polis, e auto no ta dje y ta un amigo lo a fia e.

Polis a bay over pa rista e homber aki y ta haya un cuchiuw y tambe droga ariba dje.

E a keda deteni y transporta pa warda di polis na Shaba.