Home Uncategorized Famia na Washington ta bira victima di atraco arma

Famia na Washington ta bira victima di atraco arma

SHARE

Washington – Dialuna mainta den careda di 10:30am polis ta topa cu un famia cu a caba di wordo atraca. Atracadornan arma a drenta cas di e famia unda cu tawata tin un mucha chikito tambe presente.

E malechornan aki a drenta e cas y a kita e cellularnan for di e personanan den e cas, pa asina stroba nan di yama polis pa ayudo. Informacion haya ta indica cu e atracadornan aki ta papia Papiamento y tambe Spaño, pues por conclui cu lo tin persona local tambe involvi den e caso aki.

Señora Rasmijn di Cuerpo Policial a suministra e siguiente relato :

“Pa mas o menos 10:30 Centraal di Polis ta haya un jamada di un atraco na un cas na washington. Patruya ta jega di biaha y na unda ta topa cu e meneer doño di e cas y e ta conta cu e tawata pafo di su cas y bayendo paden dos homber color scur bisti cu t-shirt preto y jeans blauw lo mester a bin riba dje cu un arma di candela. Nuin di dos tawata tin cara tapa.

Eynan e atracadornan a seranan den un camber e y su señora cu nan yui chikito y a reboltea full e cas. A bai cu cellular y laptop. No ta sigur si nan a hui na pia of den auto. Patruya nan di k9, RRT y otro patruya di Noord a cuminsa cu buskeda di biaha den vecindario. Atraco team a presenta na e sitio y tambe slachtoffer hulp. Ken cu por wak algo jama tiplijn di polis 11141″.