Home Uncategorized Problema ta caba na tiramento den Driemasterstraat

Problema ta caba na tiramento den Driemasterstraat

SHARE

Driemasterstraat – Diasabra den careda di 6’or di mainta asistencia di polis ta wordo pidi na Driemasterstraat. Motibo di esaki tawata cu tin un bringamento cu tawata andando na Barabar.Momento cu polis a yega nan a wordo informa cu e pelea tawata uno basta serio y tambe cu tawata tin arma di candela involvi, pues cu tiro a cay.

Mas leu riba e caminda autoridadnan a mira un Toyota Corolla staciona mey mey di caminda. Na e vehiculo por a mira perforacion di bala y tawata tin varios partinan kibra patras. A wordo nota cu hasta e spiel cu mester ta paden di e auto tawata benta pafor.

Tin indicacion cu ta dos persona lo a baha for di e vehiculo aki y lage atras. E departamentonan concerni, recherche y departamento tecnico di polis, a ser pidi pa tuma datos na e sitio y pa asina haci nan investigacion.

Mester nota si cu algun dia atras caba tawata tin un incidente di tiramento den e area, caminda un persona a pasa tira cu un arma automatico riba un Altezza. No por conclui cu e dos casonan aki ta conecta cu otro, pero si por expresa cu e incidentenan aki ta keda un peliger pa tur hende den e area.