Home Uncategorized Polis ta detene dama bou influencia despues di un persecusion

Polis ta detene dama bou influencia despues di un persecusion

SHARE

Tanki Leendert – Diadomingo den oranan di marduga, na momento cu un patruya di Santa Cruz tabata pasando na altura di Shiribana Snack truck, nan  ta mira con un homber tabata maltrando un muher.

E agentenan mesora a baha pa atende cu e homber, e homber mesora a keda deteni. Na momento cu e polisnan tabata deteneniendoe homber, e muher cu tambe lo tabata bou influencia a dicidi di subi tras di stuur di e auto di e homber y ranca bay for di e sitio.
E muher tabata coriendo hopi irresponsabel, mirando su estado polis mesora a sigui’e y polis tabata dun’e señal pa para, pero e no tabata respeta ordo di polis y tabata sigui core, mesora a cuminsa un persecusion, e patruya a pidi refuerso di mas patruya.

E persecusion acaba  na Tanki Leendert, na altura di Chalo Burger, ora cu e dama a drenta e caminda di tera cu no tabata tin salida.
Polis a deten’e, e dama tabata yora y papia cosnan bruha. Transportwagen di polis a hiba e dama warda di polis.

E homber cu a keda deteni na e snacktruck a wordo transporta pa un patruya pa warda di polis di Santa Cruz.