Home Uncategorized Dos homber riba scooter, cu no mucho bon intencion, a purba di...

Dos homber riba scooter, cu no mucho bon intencion, a purba di benta un otro homber for di su scooter

SHARE

Palm Beach – Diadomingo marduga algo pasa di 3’or, un cabayero basta spanta ta bati alarma, cu supuestamente desconocidonan lo a purba atrak’e y cu e ta para dilanti Valero Palm Beach.

Na yegada e cabayero ta conta polis cu e tabata riba su scooter na e lusnan di trafico bandi Mc Donalds na Palm beach, bayendo ariba na altura di ex Supermercado Kong Fui, dos homber riba nan scooter a purba push’e pa bent’e abou, for di su scooter, usando nan pianan.

E intento di e dos hombernan riba nan scooter a fracasa, na e momento cu un auto a presenta su tras y esaki a stroba e dos hombernan sigui cu nan mal intencion. E cabayero riba e scooter a keda basta spanta, polis a tuma tur datos y a sigui cu nan patruya.