Home Uncategorized Ladron ta drenta cas di un señora sordo di 98 aña y...

Ladron ta drenta cas di un señora sordo di 98 aña y ta cere den un camber

SHARE

Shakespearesstraat – Diabierna mainta den careda di 11or polis ta wordo pidi pa bay na un adres pariba di Colegio Arubano, cual ta Van Dragtstraat 2. Un antisocial a drenta e cas y a cera un anciana di 98 aña den un camber pa e por a horta su pertenencianan.

Momento cu polis a yega e señora tawata basta spanta ainda y no por a describi e malechor den mucho detaye. Mirando cu e señora a keda den un susto y cu e ta un hende di edad halto, polis a pidi asistencia di ambulance. Personal di ambulance a bin na e cas pa asina haci un control di e anciana.

Aparentement, e victima ta mama di un psychiater conoci nos comunidad. Bisiña di e anciana a bisa cu e a scucha basta rancamento di porta di cas, pero no tawata na altura di locual cu ta pasando. Tambe e bisiña a splica cu ta dos siman pasa mas o menos ladron lo a drenta e cas caba.

Recherche a presenta na e sitio pa asina tuma tur informacion posibel di e caso aki. Definitivamente por wordo bisa cu hendenan grandi ta keda vulnerabel pa e actonan aki. Nan ta keda un blanco di ladronicia y atraco pa antisocialnan.