Home Uncategorized Triangulo di amor chino ta caba den hinkamento y detencion

Triangulo di amor chino ta caba den hinkamento y detencion

SHARE

Pos chiquito,- Dia di Betico den oranan di anochi ta sosode un caso serio di hinkamento den Betonicastraat mesora ta manda polis y ambulance na e sitio.

Na yegada ta bin compronde cu tabata trata di un possibel intento di assesinato pa motibo di amor. E problema a start cu un bringamento riba caya un poco pariba di Tio Pepe Bar y cu a termina den e cas cu un caso serio di hinkamento, unda un dama Chines a keda herida cu tres hinka na su curpa.

Na e cas den Betonicastraat ta biba un homber Chines cu su casa kende tambe ta Chines. E pareha tin 17 aña felismente casa, pero e señora probablemente no lo tabata na altura cu su casa tabata tin un amante. E amante ta un otro dama Chines, cu ta biba na Oranjestad. E Homber cu e amante tin como 13 aña un relacion amoroso cu otro.

Diaranson anochi awa a pasa hariña, e amante a bin ta haci problema na cas di e pareha y den e bringamento ela hinka e casa di e homber chino tres biaha na su curpa, lagando e seriamente herida, cu un hika den barica, un na brasa y na su man.

Na momento cu e bringamento a start, mesora esnan den becindario a yama polis. Polis a detene e amante y personal di ambulance a trata e señora na e sitio y despues a transporte pa hospital.

Team di recherche a presenta na e sitio y e caso aki ta den man di recherche.