Home Politics PUBLICO GRANDI A ACUDI NA EVENTO DI MEP

PUBLICO GRANDI A ACUDI NA EVENTO DI MEP

SHARE

SAVANETA – Partido MEP a celebra Dia di Betico na grandi den curason di Savaneta.
Un publico imensamente grandi a asisti na e actividad cu a surpasa tur expectativa.

E actividad a cuminsa cu reconosemento di baluartenan di MEP y centenares di cacique y lidernan di bario, hunto cu nan famianan.
Despues a sigi e entretenimento di Tsunami y Buleria cual a lanta henter e publico cu un ambiente fenomenal.
E lansamento di e hala hubenil HOT tambe tabata espectacular. Mas di 300 hoben a drenta cu brassband TBS den un tremendo ambiente.
Y e show final tabata den man di Jeon cu tabata un ciere espectacular di e anochi exitoso.
Partido MEP a score cu e grandioso actividad aki y locual a hala mas atencion tabata cu tabata tin hopi cara nobo y hobennan cu ta mira den MEP e alternativa pa e sigiente eleccion.