Home Uncategorized Mucha di 10 aña ta core sconde den camber pa atracadornan cu...

Mucha di 10 aña ta core sconde den camber pa atracadornan cu a drenta su cas

SHARE

Bubali – Diahuebs den careda di 5:30 di atardi dos atracador ta drenta un apartament unda cu tawata tin un mucha di 10 aña su so presente. Segun informacion e dos atracadornan aki ta aparentemente Venezolano.

Momento cu esaki a sosode e mucha a core bay sconde hunto cu su cacho den camber. Segun informacion cu e mucha a duna e dos atracadornan aki ta papia Papiamento y Spaño.

E mucha a splica tambe cu e a mira un di nan cu un cuchiuw y cu nan tawata bisti na preto. E atracadornan a reboltea e lugar y ta mustra di tawata buscando algo, pero ta conoci kico nan a bay cune. E dos personanan aki lo a bandona e sitio ariba un brommer.

Autoridadnan a pidi asistencia di Slachtofferhulp pa asina duna asistencia na e mucha.