Home Uncategorized Auto ta cay den lama na Mangel Halto

Auto ta cay den lama na Mangel Halto

SHARE

Mangel Halto – Diaranson atardi polis a wordo pidi pa bay Mangel Halto. Informacion ricibi a indica cu un auto lo a cay for di baranca y a keda parcialmente den lama. Na yegada polis ta mira cu di berdad un Chevrolet cora a cay y a keda ‘para’ den un posicion vertical den lama.

E persona involvi den e accident mes no tawata tey na e sitio. Personanan den e area a informa polis cu den un caya ey banda lo tin un ambulance. Momento cu polis a bay na e caya indica nan a topa cu e persona cu a keda herida. Personal di ambulance tawata tratando e persona y preparando e pa asina hibe hospital.
Asistencia di Nagico a wordo pidi pa asina saca e Chevrolet, pero mirando e posicion di e auto esaki no a bay asina facil.