Home Uncategorized Siman di Aduana a start fin di e siman aki cu varios...

Siman di Aduana a start fin di e siman aki cu varios actividad e eventonan special

SHARE

ORANJESTAD- Siman di Aduana a start diabierna cu un asina yama ‘Prikdag’ unda empleadonan di e departamento a haya un chekeo medico. Esaki a cuminsa for di 8’or di mainta caba. Medico y studiantenan medico di Xavier University a prik e trahadornan y a check nan sanger riba sucu y cholesterol. Tambe a check nan presion y a haci un BMI (Body Mass Index) test cu nan, sigui pa un chekeo medico general. Den oranan di atardi a sigui un Jump In riba parkeerplaats di e oficina principal unda ta eligi nan Reina deleita pa musica di Youth-Xtreme y un DJ.

Diasabra tin wega di softbal cu Zeta Band. Dialuna ta sigui cu e actividad ‘Ban Move’ den oranan di atardi riba e parkeerplaats di oficina principal. Diamars tin wega di ‘Mens Erger je Niet’ den Centro di Bario Brazil. Riba diahuebs ta culminacion di e siman di Aduana cu varios evento y momentonan special. Den oranan di mainta ta cuminsa cu un Santo Sacrificio di misa na misa di Brazil, sigui pa un encuentro ameno den Centro di Bario Brazil y ta clausura e siman cu un tremendo Dinner Dansant cu musica di D’-licious den edificio di TBA. Un programa varia y hopi bon hinca den otro.