Home Uncategorized Mama a pidi polis pa saca su yiu di 17aña for di...

Mama a pidi polis pa saca su yiu di 17aña for di Hotel Roys

SHARE

Savaneta – Diabierna atardi un mama hopi preocupa ta yega na warda di polis na San Nicolas, relaciona cu un problema cu e tin cu su yiu homber di 17aña.E ta pidi polis si nan por bay “Hotel Roys” y saca su yiu homber di eyden. Mes ora un patruya a bay pa e luga.

Hotel Roys 

E luga aki ta wordo frecuenta pa hopi hendenan cu tin problema di droga.

Segun nos a wordo informa, e luga tin awa y coriente, unicamente cu esnan cu ta den ta adictonan cu ta usadonan di base y otro substancianan. Nan mes lo ta paga tur gastonan mensual  y nan lo tin nan mes un camber. Polisnan cu a yega mes ora a cuminsa busca e mucha homber di inicial F di 17aña. Por a haya holor fuerte di base den e cas.

Agentenan a tuma nota cu tin algun mucha chikito tambe den e luga y nan lo ta  core y hunga mey mey di e adictonan. Un rato despues polis ta bay na e camber caminda cu e mucha homber ta, pero esaki tawata na lock. Despues di un rato un dama ta habri e porta y nan ta wak e mucha homber F di 17aña, cu lo tin un relacion amoroso cu e dama cu ta mayor di edad.

Polis a splica e dama kiko ta e problemanan cu e lo por haye aden si e mama di mucha homber F bay entrega keho contra dje. E criaturanan coriende rond lo ta yiu di e muhe cu tin relacion cu e hoben y polis a hala su atencion tambe ariba e parti ey y ela bisa nada ta pasa nan, paso esnan eyden tur ta nan amigonan.

Un situacion sigur hopi preocupante mes, cu mester atencion lihe.

Polis a hiba e mucha homber cerca su mama bek y ela ”priminti” di sigi  ordo di su mama te ora e ta mayor di edad. Segun informacionnan ricibi, instancianan concerni lo a wordo avisa of nan ta na altura di e situacion cu lo tin criaturanan inocente den e luga eynan.

E mucha homber y e dama mayor di edad ambos ta usado di droga.