Home Uncategorized Tres homber deteni despues di comete atraco riba un persona na Palm...

Tres homber deteni despues di comete atraco riba un persona na Palm Beach

SHARE

Palm Beach – Pa mas o menos 3:30 di diadomingo madruga central di polis ta haya un yamada na unda ta bisa cu nan lo mester a atraca un hende homber banda di Setar na Palm beach. Na yegada e meneer ta declara cu un rato prome e lo a cabi di traha y tawata bayendo na su auto caminda cu un auto color shinishi mester a para banda di dje.

Dos hende homber a sali, un cu cuchiu y e otro e no ta sigur si ta tin un arma di candela den su man. Nan no tawata tin cara tapa y nan a pidi pa su pertenencia nan. Ambos lo a papia spaño cu ne. Despues nan a subi un auto mitsubishi color shinishi y a bay di e sitio. Patruya a cuminsa di biaha cu un buskeda na unda cu na altura di Sasakiweg banda di e salinja nan a bin topa cu un di a atracadonan na pia.

Mes ora a bay over na detene y hibe warda di polis na Shaba. Un rato despues patruya di Noord ta bin para un auto mitsubishi color shinishi cu dos hende homber aden, cu tawata klop cu loke e victima lo a declara un rato prome.

A bay over na detenenan tambe y a hibanan warda pa asina saka afo si nan lo tin di haci cu e caso di atraco un rato prome. E auto a wordo tuma den beslag y hiba warda di Noord, pa asina BFTO por haci su investigacion. Atraco team y slachtofferhulp tambe a yega na warda di Shaba pa asina atende e caso y e victima cu tawata basta spanta.

Tremendo trabao di polisnan di Noord, cu den un tempo corto a logra pone man riba e atracadornan”.