Home Uncategorized Dienstwagen di unidad di cacho involvi den accident na Paradera

Dienstwagen di unidad di cacho involvi den accident na Paradera

SHARE

Paradera – Diasabra anochi algo despues di 7:30 ta sosode un accident altura di Pacifico restaurant na Paradera. Esaki a sosode momento cu un taxi a brake y un auto di e unidad di cacho ta dal basta duro su tras.

E chauffeur di e dienstwagen a keda basta spanta y tawata preocupa pa e cacho cu tawata hunto cune. E cacho, cu momento cu e accident a sosode tawata den su kennel, a keda toch spanta.

E polis encarga pa trata cu e cacho a informa cu e taxi a brake diripiente ariba e caminda y esaki a causa cu e a bay dal tras di e taxi, cual ta un Toyota Prado. E dienstwagen a keda cu basta daño dilanti, mientras cu e taxi Prado algun rasca.

Autoridadnan mester a cera e caminda  y tambe asistencia di departamento di trafico y ambulance a bin na e sitio.