Home Uncategorized Motociclista ta keda herida despues di a dal contra tubo di WEB

Motociclista ta keda herida despues di a dal contra tubo di WEB

SHARE

Spaans Lagoenweg – Diabierna anochi, un poco pasa di 9’or di anochi a sosode un accidente di brommer riba Spaans Lagoenweg. Informacion na prome instante a bisa cu un brommer lo a bay dal contra un palo di luz.

E esaki no tawata e caso, pero a resulta si cu un brommer a dal contra un di e tubonan di WEB cu tin banda di e caminda. Aparentemente, e motociclista a caba di traha. Kisas cansancio lo por tawata un factor cu e a perde control di su brommer anto bay dal contra di e tubo.

Momento cu autoridadnan concerni, ambulance y polis, a yega e sitio e motociclista no tawata na tino, pero tawata tin pulso si. Personal di ambulance a prepare y a transporte inmediatamente pa hospital.

Como cu e persona a haya bastante sla autoridad a pidi asistencia tambe di specialista di trafico.