Home Uncategorized Cahanan di clorox y tambe di whisky horta for di container

Cahanan di clorox y tambe di whisky horta for di container

SHARE

Balashi – Diasabra den oranan di marduga patrol di un compania di seguridad ta pidi presencia di polis, na deposito na Balashi.

E motibo tawata cu durante su patruya e ta nota algun movecion straño y despues e ta wak algun hende subi den e auto y bandona e sitio.
Caminda e hendenan tawata tin un container y despues cu ela baha y tira un bista miho, e la nota cu e candal di e container staciona pafo di e deposito ta kibra y mes ora tawata sa cu aki ta trata di ladronicia.
Ladronnan lo a logra bay cu cahanan di clorox y tambe di whisky.
Polis cu a yega na e sitio por a wak cu den nan pura e ladronan a laga tools y tambe un t-shirt atras.