Home Uncategorized MEP: Mientras otronan ta den pleito MEP birando popular bou di nos...

MEP: Mientras otronan ta den pleito MEP birando popular bou di nos hobennan

SHARE

STA CRUZ — Mientras demas partidonan ta den pleito, partido MEP ta den cresemento. Mas y mas cuidadano ta realisando cu MEP ta e UNICO alternativa.

Partido MEP a lansa su hala hubenil inoficialmente diaranson ultimo. Den su prome salida a logra un interes cu a kibra record, mas di 200 hoben a registra. Esaki a kibra tur expectativa.

No solamente e cantidad di hobennan presente tabata grandi, tambe e animo tabata halto. Hobennan cu ta bai vota pa prome biaha cu ta interesa den partido MEP y hobennan cu a vota caba cu kier mira un cambio den nos pais. Tambe hobennan cu no por vota ainda pero cu tin interes den politica.
Un pabien ta bai na Lider di MEP Evelyn Wever-Croes cu su vision y determinacion ta logrando metanan grandi pa partido MEP.

Su liderasgo firme y cu curashi a inspira e hobennan pa acepta e reto aki.

Un pabien na Lyonell Dirksz cu a causa un impacto grandi cu e paso aki di lidera HOT hunto cu su crew Xavier Maduro, Derlina Kock y Luis Luna.

Un pabien na e hobennan cu a registra y cu kier yuda partido MEP y Aruba.

E hala hubenil HOT lo wordo lansa oficialmente diamars dia 24 di januari den e actividad di Dia di Betico na Savaneta. Tur hoben cu kier registra ainda por hasi esey dialuna dia 23 y diamars dia 24 6or na e HOT zone Savaneta ma oficina di MEP na Savaneta dilanti Wintergarden.