Home Uncategorized Hyundai Getz sin documento kita for di pareha na Surf Side

Hyundai Getz sin documento kita for di pareha na Surf Side

SHARE

Surf Side – Diabierna marduga polis ta topa cu un Hyundai Getz color shinishi staciona banda di lama na Nikky Beach.

Den e auto un pareha, e cabayero tawata un Venezolano y e dama Colombiana.
No ta mucho duidelijk kiko ta nan situacion, pero den e auto por a nota yen cos, manera cu probablemente nan no tin luga di biba.
E cabayero e momento ey e no por  a mustra un documento valido di estadia, segun e la bisa e tin tres luna aki. A trata di tuma contacto cu Guarda Nos Costa, pero nan no tawata disponibel. E dama tawata tin un carchi di Azv cu ela mustra polis.
Polis a puntra pa papelnan di e auto, esaki tampoco nan tawata tin, caminda cu polis a haye ta pidi un takelwagen pa bay cu e auto.