Home Uncategorized Bishop’s University (Canada) na Aruba pa duna informacion

Bishop’s University (Canada) na Aruba pa duna informacion

SHARE

ORANJESTAD, ARUBA – Dialuna dia 23 di januari proximo Ministerio di Enseñansa conhuntamente cu representante di Bishop’s University lo tene un anochi di informacion pa tur studiante cu tin e interes pa studia na Bishop’s University na Quebec, Canada. E anochi di informacion lo tuma luga na Biblioteca Nacional na Oranjestad y lo cuminsa pa 7:00 or di anochi.

Durante di e anochi di informacion lo duna informacion general riba studia na Canada y lo enfoca riba e diferente programanan di estudio cu Bishop’s University tin pa ofrece. E anochi aki lo conta cu presencia di sr. Dan Seneker, kende ta e Director Enrolment Manager di e Universidad cu lo por contesta tur pregunta riba e parti di admision, programanan di estudio y tambe facilidadnan cu Bishop’s University ta ofrece.

Tur studiante cu ta interesa pa bay studia na e Universidad aki na Canada ta keda cordialmente invita pa e anochi di informacion.
Durante di e anochi di informacion lo duna tur e informacion relevante cu studiantenan tin mester pa por bay studia na Canaday specificamente na Bishop’s University y tambe lo tin espacio pa pregunta.

E anochi di informacion lo tuma luga dialuna dia23 di januari cuminsando pa 7:00or di anochi na Biblioteca Nacional Aruba.