San Nicolaas, Diahuebs pa mas o menos12’or y 45, ta tuma lugar un otro atraco arma riba un dama na San Nicolas, e biaha aki ta trata di un dama taxista cu a caba di yega su cas for di trabou. Polis ta wordo manda cu urgencia na e adres na Juwanta Mortostraat.
Un taxista femenina a caba di traha y na momento cu ela yega su cas e ta wordo sorprendi pa dos atracadornan ambos arma cu un arma di candela, aparentemente nan lo tabata wardando e señora yega cas pa atrak’e, e dama.
Na yegada polisnan a topa cu un homber di edad herida, benta riba vloer, tabata trata di cas di e taxista kende ta un hende malo, cu asina mes a sali pa yuda su casa na momento cu a start un pushamento y rancamento entre e atracadornan y e taxista.
E atracadornan violento a dal e homber cu e cabo di e arma patras di su cabes lagando cu un kap basta grandi patras di su cabes. Ambulance a presenta na e cas y despues di a trata e cabayero a transporte pa hospital.
Aparentemente ta trata di dos atracador relativamente hoben, ambos bisti cu un ski mask y tabata papia papiamento. Segun e victima, e dos atracadornan a logra bay cu un tas cu no tabata tin placa den dje.
Slachtofferhulp y tur otro instancianan concerni a wordo avisa, varios unidad di polis a core rond den e area pero no a topa cu e dos atracadornan hoben aki.
E aña a habri cu varios atraco, normalmente mas atraco tabata wordo cometi den lunanan di November cu December, e motibo di e cambio aki no ta conoci, pero si varios atracador a recobra nan libertad ultimamente y ta riba caya bek.
Dos dia pasa un cabayero na Caya Silvia Godett ta wordo acerca pa tres hoben arma y cu capushon nan a puntre si e ta core taxi, ela contestanan cu no y nan a bira bay.
No ta descarta e posibilidad cu por ta trata di e mesun hobennan, cu biaha pasa a bay na e adres robes. Atraco team a wordo notifica di e caso aki, paso e ta wordo considera como un intento di atraco arma.
E casonan di e atraconan di ultimo dianan ta bou investigacion, nan ta den man di e recherchenan di atraco team.
