Home Uncategorized Nagico Insurances ta un di e sostenedonan principal durante temporada di carnaval

Nagico Insurances ta un di e sostenedonan principal durante temporada di carnaval

SHARE

ORANJESTAD, Aruba –  Mescos cu e ultimo 2 añanan, Nagico Insurances Aruba e aña aki atrobe ta un di e patrocinadonan principal di carnaval. E compania di seguro cu mas ta creciendo na Aruba y den Caribe ta partner cu Empire Carnival Group cu su banda Buleria, cu e banda Le Groove y tambe a partner cu e banda Tsunami. Nagico Insurances ta haci su maximo esfuerso pa partner cu Carnaval, siendo un di e eventonan cultural di mas grandi den nos comunidad. Meta ta pa carnaval por sigui innova, sigui desaroya y sigui crece.

Nagico Insurances tanto na nivel Caribense como na Aruba mes, semper a innova cu servicionan y productonan nobo. Den fin di aña a lansa su campaña di “1,2,3 Cambia & Spaar” den cual clientenan por spaar 15% of mas, cu ta representa un averahe di 200 florin pa aña riba nan seguro.

Pa aplica pa e campaña di 1,2,3 ta masha facil. Prome cu tur cos, manda un copia di bo polisa existente hunto cu bo rijbewijs via email cambiayspaar@nagico.com, of via whatsapp 592-3378 of via inbox di nan pagina di Facebook. Dentro di 2 dia lo manda e cliente un oferta competitivo y si acepta, den 1 dia bo polisa lo ta cla, sperando riba Bo na oficina di Nagico Insurances na Dakota.