Home Uncategorized Segun Oxfam: Esaki ta e ocho personanan mas rico di mundo

Segun Oxfam: Esaki ta e ocho personanan mas rico di mundo

SHARE

Aña pasa 62 persona rico tawata tin e rikesa di 3.6 biyon hende mas pober na mundo.  E aña aki e cambio ta uno drastico, nos a bay di 62 persona pa solamente 8 persona cu a acumula rikesa di mita di nos poblacion mundial.

Esaki por ta un indicacion cu desigualdad economico ta uno cu ta keda crece. Esnan mas fortuna financieramente tin e poder di acumula mas placa cu mita di e poblacion. Oxfam ta expresa cu e desigualdad ta uno mas grandi cu nan a spera.

Katy Wright, directora di asuntonan externo global di Oxfam, ta splica cu “hendenan ta rabia y ta exigi alternativa. Nan ta sinti abandona paso ni maske con  hopi nan traha, nan lo no por participa den e crecemente (economico) di nan pais”.

E organisacion di Oxfam, cual ta uno cu ta lucha pa caba cu e inhusticia di pobresa, ta pidi pa empresarionan ofrece “salarionan digno” y tambe pa gobiernonan impone mas impuesto riba e personan mas rico.

Aki por mira ken exactamente ken e 8 personanan di mas rico (y mas influencial) na mundo segun Forbes/Oxfam :
1. Bill Gates (EE.UU.): cofundador di Microsoft ($75 biyon)
2. Amancio Ortega (Spaña): fundador di Zara propietario di Inditex ($67 biyon)
3. Warren Buffett (EE.UU.): accionista mayoritario di Berkshire Hathaway ($60.8 biyon)
4. Carlos Slim Helú (México): propietario di Grupo Carso ($50 biyon)
5. Jeff Bezos (EE.UU.): fundador y director ehecutivo di Amazon ($45.2 biyon)
6. Mark Zuckerberg (EE.UU.): cofundador y CEO di Facebook ($44.6 biyon)
7. Larry Ellison (EE.UU.): cofundador y CEO di Oracle ($43.6 biyon)
8. Michael Bloomberg (EE.UU.): doño di Bloomberg LP ($40 biyon)