Home Uncategorized Gabinete Mike Eman ta recorda un aña di fayecimento di Piet Pronk

Gabinete Mike Eman ta recorda un aña di fayecimento di Piet Pronk

SHARE

Ya ta un aña cu nos a tuma despedida di nos bon amigo Piet. Un erudita di calidadnan excepcional, Piet nunca a pone su propio interes dilanti, pero semper tabata traha pa haci bida di otronan miho. Tur dia cada un di nos den BK ta haya falta di Piet. Di su consehonanj, di su chansanan, di su atencion y sin duda di su ‘Hombo mano’ cu e tabata gusta usa. Den transcurso di aña Piet a bira un Arubiano. Piet tabata papia Papiamento, tabata conoce e hendenan, compronde e cultura y tabata sali na nanvanguardia ora tabatin mester. Henter su bida Piet tabata un homber solidario. E tabata activamente envolvi riba hopi tereno, sin ningun interes personal. Su solidaridad ta evidente den su envolvimento cu sindicato di maestronan, prome VLA y despues SIMAR. Su amor pa sindicalismo semper a keda bibo. Un aña a pasa y nos no por custumbra cu ausencia di Piet den su kantoor unda su porta tabata habri pa tur hende. Ora bo ta traha duro y intensivo cu otro y bou hopi presion, bo por persevera solamente si bo tin sentido di humor y esey Piet tabatin na cantidad. E no tabata worry si bo tabata tente cu esey. Piet, sigui guia nos na e momentonan cu nos mester di bo guia. Te dia nos topa bek. Bo amigonan.