Home Uncategorized BMW horta haya dilanti skol na Paradera, e tawata tin dos dia...

BMW horta haya dilanti skol na Paradera, e tawata tin dos dia eynan

SHARE

Paradera – Diamars mainta polis ta wordo pidi panort di Misa di Paradera.

Den e parkeer plaats di e skol nan ta bin haya e BMW serie 528i cu a wordo horta diadomingo na Sabana Grandi.
E auto aki tawata tin dos dia staciona dilanti e skol, cu ambos tire banda robes kibra, parti dilanti tambe tawata kibra. Ariba e windshield y parti patras por a wak basta sumpiña di hubada, indicando cu nan a core den un mondi basta cera cu e auto.
Team cu ta encarga cu ladronicia di auto a ser poni na altura. Takelwagen a presenta y a hibe e auto warda pa mas investigacion.
E auto tawata den cura di cas ora cu ela wordo horta y e jabi tawata na e contact ainda, pues un ladronicia facil pa e ladronnan.