Un activista, miembro di e grupo Femen, a protesta y ‘ataca’ un estatua di Donald Trump na un museo di Madrid. Esaki a sosode durante un ceremonia cu e museo a organisa pa asina revela e figura di wax na e publico.
E activista a scirbi riba su pecho ‘grab back’, cual ta referi na algun expresion cu señor Trump a haci den un video cu a surgi durante campaña. Trump a papia di ta gara hende muher na nan parti intimo, cual ta un acoso sexual.
Tambe e activista a scirbi algun cos riba su lomba indicando cu e lo gara Trump bek. E activista a interumpi e ceremonia door di grita algun cosnan y core bay gara e estatua. E meta di esaki tawata pa protesta contra e actitud machista di señor Trump.
We just grabbed him back.. 🤣
"Grab patriarchy by the balls!" #FEMEN pic.twitter.com/s1Ta1DpvcV— FEMEN (@FEMEN_Movement) January 17, 2017
