Home Uncategorized Un di e sospechosonan di e atraco arma riba un dama na...

Un di e sospechosonan di e atraco arma riba un dama na Primavera a keda deteni

SHARE

MAHUMA- Un rato despues cu un patruya di polis a caba di atende cu e victima di atraco na Primavera, na altura di Airport nan ta topa cu un Tercel Blanco cu ta cuadra cu e descripcion.

E polis mesora ta duna e chauffeur un stop teken, pero e chauffeur di e Tercel ta nenga di para y ta sigiu bay, mesora nan ta sigui’e y na altura di unda tabata e crusada di Mahuma, nan no por sigui core mas pa polis y ta  baha for di auto, nan ta sigui na pia. Polis ta logra gara un di e dos sospechosonan, e otro tacore drenta mondi.

Polis a buska den full e auto pero no ta haya nada particular, niun arma. E auto a keda confisca pa polis y esun cu a keda deteni como sospechoso di e atraco arma, a wordo transporta pa warda di polis di Oranjestad.