Home Uncategorized Dama cu a caba di traha, canando pa bay su cas ...

Dama cu a caba di traha, canando pa bay su cas ta wordo atraca na primavera

SHARE

Diadomingo pa Dialuna, algo prome cu mey anochi, Polis ta wordo manda cu urgencia na Texaco Wayaca, pa un caso di un dama cu a wordo atraca riba caminda na Primavera.

Na yegada nan ta topa enberdad cu un señora basta spanta. E dama ta conta polis, cu ela caba di traha y tabata canando pa bay su cas na primavera. Un poco pazuid di e crusada di Morgenster pa bay Primavera, ta pasa un Toyota Tercel Blanco, cu dos persona aden. E auto ta para banda di dje y un homber ta baha y cu un arma arma di candela color nickel den su man, e ta exigi e señora pa dun’e su tas. E señora basta spanta a bisa nan cu e placa cu tin den su cartera e por dunanan, pero no su tas paso eyden e tin papelnan di trabou. E atracador ta tuma e cent y ta baha na awa, nan ta core bay direccion zuid.

Polis a hiba e dama bek na e sitio unda e atraco a tuma lugar, atraco team tambe a bay na e sitio pa tuma declaracion di e dama. E caso aki ta den man di recherche team pa mas investigacion.